Tango tany an'ala (Jeneraly)

 Izao hira izao no entiko hanambara etoana
Ilay fotoana tsy hay hadinoina
Fotoana izay niarahantsika tany an’ala
Fa teny indrindra isika roa no nifanadala

Nioty voninkazo ery amoron-kady
Toa mpanambady andro alahady
Nitangotango foana teny dia nandihy
Nandihy tango teny amorom-parihy

Ireo siokam-boronkely
Izay re teny lavitr'eny
Ireny no mozika izay nandihizantsika
Nakimpiko ny masoko, nangovitra ny molotro
Saika hilaza zavatra, kanefa tena vahotra

Fa vetivety teo injay nisy feo
Toa feon’angorodao, hay va re ka feonao
Nibitsika mangina, nitady ny hatoriana
Fa vizambizana ka hiala sasatra

Velarinao teo amin’ny tany ny lambahoany
Tsara aok’izany, toa anao ihany
Dia teo indray isika roa no nandihy
Fa nangatsiaka ery amoron’ilay farihy

Nihanalefaka ny feon’ny mozika
Nandihizantsika tsisy nahita
Tsy nisy koa moa nahare izany hira izany
Afa-tsy izaho sy ianao irery ihany

Tsy nahalala nody fa tsara fanafody
Ka tany an’ala tany no saika hanorina akany
Ny lanitra no tafo, fitia re no sakafo
Raha vitan’izany moa maninona tokoa ?

Indrisy rediredy, ianao ve tsy ho bedy ?
Kanefa azo atao raha manaiky  mamanao
Lazao azy mangina ny tena fifaliana
Fa any an’ala any no ahitana an’izany.

Dia izay!