Ny anatra hono tsy voankazo an'ala
Ka hisy mangidy tsy maintsy aloa
Fa tsipaky ny omby ka tena fandala
Satria mahafaty raha toa mahavoa
Ny anatra anie toy ny tady hatsipy
Ka samy voasingotr'ireny ny miaina
Ny adala mihilika sady mikimpy
Ny hendry mandalina sady misaina
Ny anatra hono fanao ala-nenina
Ka arangaranga tsisy afinafenina
Ny anongotsongoina ny maty ho taitra
Ny mandevim-belona mantsy tsy laitra
Ny anatra hono tsy voankazo an'ala
Ka hisy mangidy tsy maintsy aloa
Fa tsipaky ny omby ka tena fandala
Satria mahafaty raha toa mahavoa
Ny anatra anie toy ny tady hatsipy
Ka samy voasingotr'ireny ny miaina
Ny adala mihilika sady mikimpy
Ny hendry mandalina sady misaina.
Aucun commentaire:
Enregistrer un commentaire