Ho anao anio Ray no hihirako
Ny alaheloko,ny ratra ato anatiko
Toa kivy aho raha izay nataony ahy izay
Omaly izahay toa tia tokoa
Nefa dia anio,aiza izao, aiza moa?
Fiainana sento ny ety
Moa sitrakao ny mijery anay
Toy izao, mamboly fitia sy mitia
Rehefa leo de miala indray
Handositra aho mba hanadino ny nisy teo
Fa mbola ho anao izay Fitiavana
No hametrahako ny fiainana iainako
Mino aho fa hitanao izao rehetra izao
Koa mba raisonao, ny saiko atanjaho
Hahazaka jalim-pitiavana
Hafahafa ny ety
Tsy maintsy tia nefa dia
Miomana ho hankahalaina koa
Ka mahatoky Anao Ray Mahery
Ampio aho fa izany no fiainana...
Aucun commentaire:
Enregistrer un commentaire